旺角網羅所有男士喜歡的元素（不要想歪了，我指模型、玩具、球衣、汽車補品、音響、電腦、氣槍、軍服……等等），三不五時都要出去走走。不過吃食方面旺角從來不算有太多好選擇，我覺得原因可能是：1. 出旺角是為了花錢，於是食飯節省；2. 行旺角以年輕人為主，對食的要求著重快、便宜和飽足，對食物質素一般不太講究。老實說筆者從來不是旺角那幾家日本放題店的粉絲，有個人頭在招牌上面的那家「大家食」因鄰近必行的唱片店倒三不五時光顧，也是為了方便而非美味。要說好食的話我會走到生記粥品或者達通小食，但那邊算油麻地了。
這家新開業的Day and Nite by Master Kama地理位置十分優越，位在旺角電腦中心隔壁，離女人街、「相機街」、「波鞋街」、「整車街」和麥花臣場館都只是三至五分鐘腳程。然後一句可以講完：無論食物質素、環境、空間、坐位舒適度和服務都比旺角核心地段大多數食肆理想。你問我的話是感到開心的，以後擺低電腦upgrade要等一陣，或者等睇show嗰陣，就有個可以坐陣舒舒服服嘅地點選擇啦！
食物方面喜歡龍蝦和芝士的朋友有福了！此店三款主打食物都是以這兩者作主角。龍蝦芝士長通粉（置頂圖）是傳統Mac‘n Cheese的新派演繹，用上長大通粉盛載龍蝦汁和芝士的能力倍增，香甜冶味令人吃不停!少少意見: 如果通粉更 al dente帶點嚼勁仲好! 尤其此通粉是由出身自Jamie’s Oliver的師傅自家製作，挺好吃的。
流心芝士龍蝦三文治也美味，三文治經過烘烤和塗上龍蝦羔，香脆自不待言，中間夾了海量芝士和龍蝦肉，半液態的芝士香噴噴的十分誘人。還有一款日式芥末芝士烤雞肉脆片同樣是脆口炸物，甜芥末遇上芝士產生不同化學作用。這兩味都可以輕易分食，一大班人點來分享非常方便。
想吃點清新的菜式可選鮮果yogurt 沙律，個人認為點了芝士龍蝦菜式再點這個中和一下十分不錯。
這次沒有點上十分MK感覺的自選車仔意粉和造型十分可愛的特色飲品，正好留了個下次再來的籍口。我成日要喺旺角等改槍、焊線、波衫熨號碼、換喇叭、改呢改路……有個好坐點又就腳嘅食嘢地方絕對係開心嘅！
Day and Nite by Master Kama
地址：旺角山東街50號1-2樓
電話： 3106 0900
Day and Nite by Master Kama – 旺角新派日本菜起動 有 “ 3,184 則迴響 ”