烏骨雞拉麵龍

01

先旨聲明,工作上去了此店試食,因此免費吃麵,但以下評論絕對中肯。此店號稱兩項鎮店之寶:烏雞湯底和天降石碗,但是賣點並不突出。

Vjw8SYj9tmxGbRiwBYPCVBLg_VfwBWrkLzKEidH-UIQ

乜解究咁講呢?烏雞湯底只是每天用上三隻烏雞加進原有鮮雞、雞腳、豬手等湯料中一起煮,因此係完全食唔到有烏雞味,不過咁都係正常,如果去食拉麵湯底好似蛇王芬碗參鬚玉竹煲烏雞咁,就認真攪笑兼趕客咯!

05

另外此店話有用天降石嚟淨化啲水,有一大舊放咗喺煲入面,另外碗亦係天降石入嘅。先唔好理乜嘢係天降石先,咁煞有介事咁大叔於是就諗難道隻碗係用塊石彫出嚟?再唔係石粉塗係碗內側?到場見到原來一 pat好似紅毛泥咁黐喺碗底,話咁樣黐咗好味啲……OMG!我相信呢家嘢係青山方面應該好興吓,不過係香港嗰個青山……

06

好勒!吐槽(oh! very mainland China)完之後呢,咁講真其實碗麵係可以嘅,大叔呢個極上味噌拉麵用直身麵,湯底質地適中能夠掛喺麵上,油份其實比隱家、豚王等等重,不過就未及秀同埋魂,算係比較接近日本嗰邊食到嘅拉麵湯底。叉燒切得薄,呢層應該好多人唔鍾意,用嘅肉比較肥,呢層就應該多數人鍾意,大叔好奇怪喜歡薄切瘦叉,覺得此店叉燒算係可以,煮得好柔軟入口溶呢點值得讚。蛋唔得流心;筍有少少渣,呢啲可以做得更好。大叔鍾意洋蔥,因此喜歡佢哋有炸洋蔥,難得炸完只有甜味無苦味,真係唔知佢哋點做到?圖中洋蔥份量加多咗,自己去正常應該係減半。

08

另外佢哋亦有大熱嘅沾麵(佢哋叫油撈麵),每日限定只賣二十碗,大叔覺得多數沾麵都超鹹唔多啱口味,因此只影相無試。

07

除咗兩個賣點比較無力之外,其實都算可以,如果經開嗰頭係可以一試。

烏骨雞拉麵龍
地址:九龍尖沙咀柯士甸路15號金巴利大厦地下A店
電話:2312-7773

503 Service Unavailable

Service Unavailable

The server is temporarily unable to service your request due to maintenance downtime or capacity problems. Please try again later.

Additionally, a 503 Service Unavailable error was encountered while trying to use an ErrorDocument to handle the request.